Temsîlkara Komalanê Cinîyan ê Ciwanan (KJC) Armance Jînda Konferansê Ciwanan ê Dinya yê Parisî de qisey kerd û têkoşînê cinîyan ercna.

Armance ard ziwan ke têkoşînê Kurdîstanî seba cinîyan îmtîhanêko pîl bi. Armance bale ante artêşbîyayîşê cinîyan ser û pare kerd ke îdeolojîya têkoşînê cinîyan nê panc prensîban ra yeno pê: erdê xo de ciwîyayîş, wayîrê fikr û îradeyî bîyayîş, rêxistinbîyayîş, têkoşîn, exlaq û estetîkî. Armance îfade kerd ke bê têkoşînê azadîya cinîyan têkoşînê sosyalîzmî nêbeno.

Armance vist vîrî ke sîstemê serdestîya camêrdan cinîyan rê 5 hezar serran o koletîye ferz keno û 5 prensîban reyde ê nê sîstemî pûç kenê, bi nasnameyê 'cinîya azade' cuyêka newîya awan kenê. Armance vat ke ney de cinîyê ciwanî serkêşîye kenê.

Armance dîyar kerd ke nika şerê azadîye yeno kerdene û têkoşîn de girîngîya azadîya hişmendîya cinîyan est a.

Temsîlkara KJCyî Armance dîyar kerd ke teyna cinîya azade eşkena xizmetê şorişê sosyalîstî bikera.