Çalakîya hempare ya ciwananê TCŞ û TÊKOJIN û enternasyonalîstan ya ke 4ê sibate de vera Komployê Neteweyîyê yê vera Rayberê Şarê Kurdî Abdullah Ocalanî dîyaye destpêkerdene, roja pancene de dewam kerde. Çalakwanî ewro bajarê Mannheimî yê Almanya de bî.

Çalakwanan ra grûbêke verî Nilgune Yildirim (Bêrîvane) û Bedrîye Taş ( Ronahî) ê ke 21ê adar a 1994î de çalakîya xovêşnayîşî kerdbî, yad kerdî. Delale Rubara ke tîya bi nameyê YJK-E qisey kerd ard ziwan ke xoverdayîşê şehîdanê tim rayîrê înan roşn keno. Rubare vat Almanya PKKyî qedexe bikero zî heme dinya zana ke PKK têgêrayîşêkê şoriş û azadîye yo.

Hemserekê KCDK-E Yuksel Koçî zî polîtîkaya Almanya ya vera kurdan rê nêrazîbîyayîş ramojna û vat: ''O çax her çîyê kurdan qedexe kerd. La ma pê xoverdayîşî nê qedexeyê înan pûç vetî.''