Ciwananê kurdan bajarê Strasbourgî yê Fransa de verê Komîteya Vergirewtişê Îşkenceyî yê Ewropa (CPT) de saete 11:00 de çalakîya bêîteatîya sîvîle daye destpêkerdene.

Ciwanan pê kiriştişê posteranê Raberê Şarê Kurdî Abdullah Ocalanî û beyraqanê PKKyî sloganê vera tecrîdî eştî û çalakîye daye destpêkerdene. Ciwananê ke derheqê çalakîye de eşkerayîye daye vat: ''Rayber Apo 22 serrî yo sîtemê îşkenceyî yê Îmraliyî de sey esîr yeno tepiştene. Pê nê tecrîdî heme şarê kurd gerîyeno binê esaretî. CPT tecrîdê Îmraliyî nêvînayîşî ra yeno. Ma pê na çalakîye veng danê ke wa Ewropa vera sîyasetê leyminî yê vera Rayber Apoyî bêveng memano.''

Polîsanê Fransa saete 13:40  hêrişê ciwanan kerd û tewr ta 2 kesî destbend kerdî. Ciwanan vera hêrişê polîsan ê pê gazê îsotî û jopan pê slogananê ''Biciwîyo Rayber Apo'' û ''Ciwanî fedayîyê Rayber Apoyî yê'' cewab da. Ciwanê ke teberê bîna de bî înan zî pê sloganan paştî daye.