Roja hîrêyîne ya rayraşîyayîşê rergî ya bi şîara ''Destûr mede tecrîd, Bi Rayber Apo azad be'' bi babeta ''Rayberîye û Cinîye'' ni coşêkê pîlî dest pêkerd.

Polîsanê almanan serê sibayî Meydanê Luisenplatzî yê  Darmstadtî de hêrişê ciwanan kerd. Polîsan hacetê teknîkî û vengî, flama û pankartî kontrol kerdî. Dima zî ciwanêko alman ê enternasyonalîst ame destbendkerdene.

Ciwanan rîxmê nê provakasyonê polîsan zî rayraşîyayîşê xo bi coşêkî û moralî dest pêkerd.

Beşê ewroyînî yê rayraşîyayîşî de cinîyî rayberî kenê û yeno plankerdene ke ciwanî Darmstadtî ra heta Bensheimî qasê 20 kîlometrayan rayîrî ra şorê.

Polîsanê almanan wextê rayraşîyayîşî de zî ciwanê ke sloganê ''Bê serek cuye nêbena'' vatêne girewtî kamera û provakasyonê xo dewam kerd.

Cinîyanê rayraşîyayîşî îfade kerd ke heta ke Ocalan bibo azad ê do xoverdayîşê xo dewam bikerê.

Çalakîkerî şan do beşdarê semînerê bi nameyê ''Rayberîye û Cinîye'' bibê û bernameyê ewroyî do bi nê hawayî biqedo.