Komîsyonê Polîtîkayanê Komelkîyan û Weşîye yê DEM Partî bi wesîleya 'Roja Wedarnayîşê Xizanîye ya 17ê Teşrîna Verêne' eşkerayîyêka nuştekîye daye. 

Eşkerayîye wina ya:

''Xizanîye qeder nîya, netîceya tercîhanê sîyasîyan a. Tirkîya de kerdişanê îqtîdarî ra her ke şino hûmara xizanan zêdîyena. Îqtîdar nêeşkeno na xizanîye biqedîno çunke paştîya xo dayo patronan. 

Ewro tewr zaf zî cinîyî xizan ê. Çunke sîstem dişmenê cinîyan o. No sîstem dişmenê karker, dewij û esnafan o zî. Wendekarî zî xizanîye ra unîversîteyan ra qeydê xo gênê û agêrenê hetê keyeyanê xo. No sîstem dişmenê ciwanan û ameyoxê azadî yo.

Bêrê ma pîya vera nê sîstemî têkoşîn bikerê û nê sîstemî bivurnê.''