Dewa Bilexşî ya qezaya Kercewsî ya Êlihî de 22yê hezîrane de operasyono leşkerî dîya destpêkerdene û dewkewtiş û vejîyayîşê dewe ame qedexekerdene. Ablûqa heta 6ê temmuze dewam kerd. Badê hêrişî sereştişê keyeyan de 11 kesî ameyî destbendkerdene û dima ra ameyî veradayene la îtîrazê Serdozgerîya Komare yê Batmanî ser Dayîkê Haştîye Emine Kaya (54), Nezete Bolek (58) û Sare Kaya (59) zî tede 9 kesî ameyî tepiştene.

Derheqê dayîkan de yê ke Zîndanê Qefilnayeyî yê Tîpê Tyî yê Batmanî de ameyêne tepiştene îdîaname ame hazirkerdene. Îddîaanemeyo ke bi sûcdarîya hetkarîya rêxistinene ame hazirkerdene hetê Mehkemeya Cezaya Girane ya 2. ya Batmanî ra ame qebulkerdene. Roniştişo verên do 24ê teşrîne verêne de bêro kerdene. Ame eşnawitene ke verê roniştişî hîrê dayîkî Zîndanê Qefilnayeyî yê Erzincanî rê ameyî surgunkerdene. Dayîkî bê xeberdayîşê keye û avûkatanê înan ameyî surgunkerdene.