Dezgehanê kurdîstanijan ê Brîtanya London de bi kombîyayîşêkî paştî daye Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye.' Temsîlkar û endamê KODAR, Têgêrayîşê Goranî, KCDK-Başûr, PJAK, PYD, Têgêrayîşê Cinîyan ê Kurdan, Têgêrayîşê Ciwananê Şorişgêran ê Brîtanya û Meclîsê Şarê Kurdî zî tede 14 dezgehê kurdîstanijî tewrê kombîyayîşî bîyî.

Nameyê dezgehan ser o Endamê Meclîsê Şarê Kurdî Egîd Amarayî eşkerayîye wende û vat: ''Rayber Apoyî 25 serrî yo binê tecrîdî de yo. Seba çareserîya meseleya kurdan azadîya Rayber Apoyî girîng a. Coka ma paştî danê na hemle.''

Eşkerayîye ra dima beşdaranê kombîyayîşî qisey kerd û ard ziwan ke Rayberê Şarê Kurdî Ocalanî bi paradîgmaya xo ya neteweya demokratîke û azadîgîrîya cinîyan rayîrê haştîye eşkera kerdo. Beşdaran vat: ''Azadîya Ocalanî azadîya şaranê Kurdîstan û Rojhelatê Mîyanênî ya.''

Eşkerayîye bi slogananê “Bijî Serok Apo” û “Jin, jiyan, azadî”  qedîyaye.