Dusseldorf de aktîvîteya paştdayîşê Rojawanî

Dusseldorf de çarçewa 8ê Adare de aktîvîteya ''Cinîyî Rojawan pawenê'' ameye kerdene.

Şaristanê Dusseldorfî yê Almanya de çarçewa 8ê Adare Roja Cinîyan ê Kedkaran a Dinya de bi şîarê ''Cinîyî Rojawan pawenê'' aktîvîteya paştdayîşê Rojawanî ameye kerdene.

Çalakîye rayberîya Yewîya Cinîyanê Kurdîstanî ya Almanya (YJK-E Dusseldorf) de Turkeî Zentrûm de ameye kerdene. Çalakîye de Kezbane Dohan pêşkêşîya xo kerde, derheqê Şorişê Rojawanî de zî sînevîzyonêk ame mojnayene. Aktîvîsta TJK-E Besîme Konca çalakîye de qisey kerd û vat: ''Cinîyanê kurdan nê serranê peyênan de barbarîya girane dîye. La ma sey cinîyanê kurdan na barbarîye qebul nêkerde û ma soz da ke ma do seserra 21. bikerê seserra cinîye. Şorişê Rojawanî seba cinîyan bi çimeyêk. Pawitişê ci wazîfeyê ma yo.'' Çalakîye de hunermendî Dîlane Top, Erdem Pancarci, koma muzîkî Dengê Hêvî û Rewşane Çelîker vejîyayî sehne ser.