Dusseldorf de rayarşîyayîşo derg ê 2 rojan
Şaristanê Dusseldorfî yê Almanya de seba şermezarkerdişê Komployê Mîyanneteweyî yê 15 Sibate do rayraşîyayîşêko derg ê seba 2 rojan bêro kerdene.
Fed-Med NRW eşkerayîyêka nuştekîye weşanaye û vat: ''Bi armancê şermezarkerdişê Komployê 15ê Sibate, ma do bi şîara 'Seba Ocalanî Azadî, Seba Kurdîstan Statu' rayraşîyayîş û nawnayîşêkê seba 2 rojan do bikerê.
Hêzê ke Modernîteya kapîtalîste temsîl kenê û dewleta TCya faşîste ya ke serra 21. de zî wazena Komployê Mîyanneteweyî dewam bikera verê xoverdayîşê Îmraliyî de do çin bibê. Rayberê Şarê Kurdî Abdullah Ocalanî bi paradîgmaya xo ya demokratîke, ekolojîke bi hêvîya cuya azade.
Ma sey şarê kurdî û dezgehanê kurdan vanê ke ma do sozê paradîgmaya Rayber Apoyî bibê û serra 21. ya komployî de seba azadîya fîzîkî ya Rayber Apoyî têkoşînê xo pîlêr bikerê.
Ma venga şarê xo û şaranê demokrat û şorişgêran pêroyînan danê ke beşdarê rayraşîyayîşê dergî bibê.
Roja destpêke: 07.02.2020
Ca: DGB Haus Dusseldorf
Saete: 10:00
Roja diyîne: 08.02.2020
Ca: HBF Dusseldorf
Saete: 10:00"
