Xeylêk welatanê Ewropa de serrgêra 38. ya Hemleya 15ê Tebaxe bi şayîyan ameye fîrazkerdene.

Şaristanê Atina yê Yunanîstanî de serkêşîya TCŞ û Komeleya Kulturê Kurdîstanî de Kampa Lavrioyî de şayîyêke ameye kerdene.  Şayîye de derheqê Hemleya 15ê Tebaxe de sînevîzyonêk ame mojnayene.

Şaristanê Touluse yê Fransa de bi şayîyêke 15ê Tebaxe ame fîrazkerdene. Şayîye bi deqayêkê rêzgirewtişî dest pêkerde. Şayîye de derheqê Hemleya 15ê Tebaxe de sînevîzyonêk ame mojnayene.

Şaristanê Saarbruckenî yê Almanya de bi wesîleya şayîye şar seyrangeh de ame pêser. Şayîye de qiseykerdişî ameyî kerdene. Dima şar pê deyîran govende girewte.

Şaristanê Bordeaux yê Fransa de zî bi eynî waştişî şayîyêke ameye organîzekerdene. 

Şaristanê Baselî yê Swîsre de serkêşîya ciwananê kurdan de şayîyêke ameye kerdene û semînerêk ame dayene. Semîner de gazîyanê têkoşînê azadîye ra Serhad Garzanî derheqê prosesê 15ê Tebaxe de qisey kerd. Semîner pê sloganan qedîya.