Ewropa de çalakîyê protestokerdişê tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye dewam kenê.

FRANKFÛRT

Bajarê Frankfûrtî yê Almanya de çalakîyêk ameye organîzekerdene. Bajaranê Hanau, Offenbach, Darmstadt, Gîssen û Maînzî ra  zî bi seyan kesî tewrê ci bîyî. Çalakîyê de xoverdayîşê grevê vêşanîye ame silamkerdene û ama vatene ke waştişê Leyla Guvene  waştişê ma yo û ganî cade bêro bicaardene.

GOTTÎNGEN

Bajarê Gottîngenî  de zî Kurdistanijî û dostê înan  bi rayraşîyayîşêk tecrîd protesto kerd. Bi seyan kesan bi sloganan vera tecrîd û bêvêngîya Ewropa hêrsê xo ard ziwan û azadîya Ocalanî waşte. Çalakwanan derheqê tecrîd û grevan de vilawekî vila kerdî  û berpirsîyaranê dezgehanê Ewropa ra waşt ke çîyêk bikerê.

HAMBÛRG

Hambûrg de zî bi wesîleya Roja Paştdayîşê Tepişteyanê Sîyasîyan a Dinya çalakîyêk ameye organîzekerdene. Çalakîya ke hetê Antî-Faşîstan ra ameye viraştene xeylî kesî tewrê ci bîyî. Kurdistanijan zî bi pankart vera tecrîdî û paştdayîşê grevan çalakîye de cayê xo girewt.  Qiseykerdişan şexsê Guvene de xoverdayîşê grevê vêşanîye ame silamkerdene.

KOPENHAG

Paytextê Danîmarka Kopenhag de zî tecrîd û Qirkeridişê Halebçe ameyî şermezarkerdene. Çalakîye de ame vatene ke çîyêkê vizêr Halebçe de bîyî, ewro bi destê AKP-MHP’yî yenê kerdene. Qiseykerdişan de bale ancîyaye serê xoverdayîşê Kurdan ser û ame vatene ke heta wedartişê tecrîdî do çalakîyê înan dewam bikerê û xoverdayoxê grevê vêşanîye ser bikewê.