Ciwanê TCŞ û TÊKO-JIN şaristananê Ewropa de seba azadîya Rayberê Şarê Kurdî Abdullah Ocalanî vejîyayî meydanan.

Ciwanan şaristanê Dusseldorfî yê Almanya de seba azadîya Abdullah Ocalanî çalakîya bêîteate ya sivîle kerde. Ciwanan kuçeyê tewr qerebalixî yê şaristanî de fotografê Ocalanî akerdî. Çalakîye de sloganê 'Biciwîyo Rayber Apo', 'Ciwanî fedayîyê Rayber Apoyî yê' ameyî vatene.

Paytextê Almanya Berlin de ciwanan çalakîyêke kerde, fotografê Abdullah Ocalanî berz kerdî û pankarta bi nuşteyê 'Ocalanî rê azadîye' akerde. Çalakîye de sloganê 'Biciwîyo Rayber Apo', 'Ciwanî fedayîyê Rayber Apoyî yê' ameyî vatene.

Şaristanê Marsilya yê Fransa de ciwanan çalakîya rayraşîyayîşî kerde. Ciwanan posterê Ocalanî û alayê PKKyî akerdî û bêmabên sloganê 'Bêserek cuye nêbena' vatî. Ciwanan sîyaseto gemarin ê Fransa yê vera kurdan zî şermezar kerd.

Ciwanan şaristanê Evryî yê Fransa de pê çalakîyêke tecrîd şermezar kerd û pare kerd ke heta ke Rayberê Şarê Kurdî azad bo ê do meydanan de bibê.