Şaristananê Duisburg û Munsterî yê Almanya û şaristanê Roma yê Îtalya de kurdîstanijan û dostanê înan pê çalakîyan dewaya qefilnayîşê HDPyî protesto kerde û paştî daye HDPyî.

Duisburg de seba paştdayîşê HDPyî çalakîya xeyme ameye kerdene. Qiseykerdişan de dewaya qefilnayîşî, betalkerdişê wekilîya Omer Faruk Gergerlîogluyî û tecrîdê vera Rayberê Şarê Kurdî Abdullah Ocalanî ameyî şermezarkerdene. Çalakîye de sloganê sey 'HDP şar o şar tîya de yo' ameyî vatene.

Munster de zî vengdayîşê Meclîsê Şarî ser o çalakîya xeyme ameye kerdene û dima zî nawnayîşêk ame serûberkerdene. Komunê yunanî û çepgîrê almanî zî tewrê çalakîye bîyî. Qiseykerdişan de ame vatene ke Erdogan û Bahçelî hêvî kenê ke netîceyêke bigêrê la kurdî do reyna înan şaş bikerê.

Roma de rayberîya cinîyan de pê çalakîyêke tecrîdê Îmraliyî û dewaya qefilnayîşê HDPyî ameyî protestokerdene.  Çalakîya ke verê Sersefîrîya Tirkîya de ameye kerdene xeylêk kurdîstanijî û dostê kurdan tewrê ci bîyî. Cinîyan çalakîye de wedaritişê Peymana Îstanbulî zî şermezar kerd û bale ante qirkerdişê cinîyan ser.