Fatoşe Saglamgoza (Sema) ke semedê protestokerdişê Komployê Mîyanneteweyî yê vera Rayberê Şarê Kurdî Abdullah Oclaanî 11ê teşrîna peyên a 2003yî de bedenê xo da adirî ver, serrgêra şehadetê ci de  Goteborg de ameye yadkerdene.

Cayo ke 20 serrî cuwa ver Fatoşe Saglamgoz bedenê xo dabi adirî ver, tîya vilîkî ameyî ronayene  û mezelê aye ame zîyaretkerdene.  Dima komele de aktîvîteya yadkerdişî ameye kerdene. Aktîvîte de hemrayanê Saglamgoze derheqê aye de qisey kerd.

Endama Têgêrayîşê Cinîyan ê Kurdan ê Ewropa Nûpele Munzur zî derheqê cuya şehîde, manaya şehadetî û tecrîdê serê Rayberê Şarê Kurdî Abdullah Ocalanî de qisey kerd û semedê wayîrvejîyayîşê şehîdan veng da.

Aktîvîte badê seykerdişê sînevîzyonî bi sloganan qedîyaye.