Şaristanê Marsilya yê Fransa de Festîvala Kulturê Kurdan a Sînan Dêrsimî bi şîarê 'Bi ruhê xoverdayîşê gerîlayan Kurdîstanî bipawê, Rayberîye azad bikerê' ameye kerdene. Bi hezaran kesî tewrê festîvale bîyî. 

Hemsereka KCDK-E Zubeyde Zumrut festîvale de beşdarî selam kerdî û vat: ''Rayberê ma binê tecrîdî de yo. Ganî ma azadîya Rayber Apoyî bîyarê ca.''

Wekîlê Parlamntoyê Fransa Said Ahamada, Vervatoxê Kolektîfê Paştdayîşê bi Kurdîstanî Pierre Morris û Sereka Komeleya Consciense Amine Kessaci zî festîvale de qisey kerd û ard ziwan ke PKK rêxistinêka terorî nîyo têgêrayîşêkê azadîye yo.

Hemserekê Federasyonê Elewîyan Demîr Çelîkî zî festîvale de pare kerd ke şexsê Rayberê Şarê Kurdî Abdullah Ocalanî de kurdî yenê tecrîdkerdene û vat: ''Ma her ca de fikrê Rayberê xo de bêrê pêser û azadîya ey bîyarê ca.''

Festîvale de hunermendê TEV-ÇANDî Kelaşîn, Dengbêj Mehmet, Rênas Demhat, Nûarîn û Şerîf Omer vejîyayî sehne ser.