Hîrê merkezanê Fransa de rayberîya Konseya Kurdan a Demokratîke ya Fransa (CDK-F) de çalakîyê paştdayîşê grevê vêşanîye ameyî viraştene.

VÎLLÎERS-LE-BEL

Vîllîers-le-Bel  de Kurdistanijî û dostê înan bi rayraşîyayîşêk bale ante xoverdayişê grevê vêşanîye ser. Çalakîye de tecrîd û bêvêngîya Ewropa ameyî şermezarkerdene û ame vatene ke waştişê xoverdayoxan waştişê înan o û heta wedartişê tecrîdî do çalakî dewam bikerê.

EVRY

Evry de zî  vera tecrîd  û seba paştdayîşê grevê vêşanîye Kurdistanijî kuçeyan de bî. Çalakîye de bi sloganan azadîya Ocalanî ameyî waştene û xoverdayoxê grevê vêşanîye ameyî silamkerdene. Qiseykerdişan de dezgehanê Ewropa ra ame waştene ke hema ke xoverdayoxan ra kes nêmerdo çîyêk bikerê.

REÎMS

Reîms se zî bi çalakîyêk ame waştene ke vengê xoverdayoxan bêro eşnawitene û tecrîdê serê Ocalanî bêro wedartene. Çalakîyê de ame vatene ke ê do heta serkewtiş bi çalakîyan peştî bidê xoverdayoxan.