Bajarê Le Mûreoûxî  û  Vîllîers Le Bel û Evry yê pabesteyê Parîsî de Kurdistanijan bi çalakîyan tecrîd protesto kerd û grevê vêşanîye silam kerdî.

Le Mûreoûx  ya herêma Normandîa ya Fransa de  bi tewrbîyayîşê seyan kesan çalakîyêk ameye viraştene. Çalakwanan fotografê xoverdayoxanê grevê vêşanîye kiriştî û bi sloganan azadîya Ocalanî waşte. Çalakîye de derheqê tecrîd û grevanê vêşanîye de vilawekî ameyî vilakerdene û semedê paştdayîşê grevanê vêşanîye veng dîya.

Vîllîers Le Bel û Evry yê pabesteyê Parîsî de zî Kurdistanijî semedê paştdayîşê xoverdayoxanê grevê vêşanîye kuçeyan de bî. Çalakîyan de bale ancîyaye ke rewşa xoverdayoxanê grevê vêşanîye resaya merheleya krîtîke û sazîyanê Ewropa ra ame waştene ke vera naye tê bigêrê. Reyna Kurdistanijan û dostanê înan ra zî ame waştene ke xoverdayîş xurt bikerê.