Ewropa ra Berpirsîyare Wezîra Fransa Laurance Boone dîyar kerd ke Komîsyonê Ewropa komeleyêka ke nêzdîyê Îhvan-i Muslîmîn a, fînanse keno.

Ewropa ra Berpirsîyare Wezîra Fransa Laurance Boone di kanalanê televîzyonî yê Fransa rê qisey kerd û vat: ''Her çi eşkera yo. Na komele goreyê erjanê ma yê sekuleran nîya.''

Teşrîna peyêne ya 2021î de Delegeya Wezîrîye Marlene Schiappa dabii zanayene ke ê têkilîya mabênê Komîsera Têdûştîye ya Komîsyonê Ewropa Helena Dalli û Konfederasyonê Komeleyanê Misilmananê Ciwanan ê Ewropa (Femyso) ra şaş mendê.

Reyna bibi rojdem de tebaxe de vîdeoyê fîrazkerdişê ciwanan ê Komîsyonî de Femyso zî est bi.

Laurance Boone vist vîrî ke Wezîra verêne ya Ewropa Clemente Beaune na rewşe ser o Komîsyonê Ewropa rê nuşto û vat: ''Wina aseno ke ney qîm nêkerd. Seba ke tedaya komîsyonî bêra kerdene mi pêro hemselahîyetdaranê xo de têkilîye naye ro.''

Femyso 1999 de ronîya û sey şubeyêkê Îhvan-i Muslîmîn (Birayanê Misilmanan) dîyeno. Îhvan-i Muslîmîn Misir de ronîyabi la nika uca de qedexe yo.