Fransa û Almanya de kurdan rayberîya ciwanan de semedê azadîya Rayberê Şarê Kurdî Abdullah Ocalanî çalakîyî kerdî û hêrişê îşxalî şermezar kerdî.

Banlîyoyê Evryî yê Parisî de Têgêrayîşê Ciwanan ê Şorişgêran (TCŞ) û Cinîyan ê Têkoşêran (TÊKO-JIN) çarçewa Hemleya Werin Cenga Azadiyê de semedê azadîya Abdullah Ocalanî çalakîyêka rayraşîyayîşî kerde. Eşkerayîya çalakîye de ame waştene ke tecrîd cade bêro wedaritene. Rayraşîyayîşî ra dima ciwanan verê îstasyonê trenan ê Gringyî de nawnayîşêk zî kerd.

Marignane Fransa de zî ciwanan pê slogananê 'Biciwîyo Serek Apo', 'Şehîdî nêmirenî', 'Biciwîyo şarê kurdî' hêrişê îşxalî û tecrîdê vera Rayberê Şarê Kurdî Abdullah Ocalanî şermezar kerdî.

Şaristanê Hannoverî yê Almanya de aktîvîstanê TCŞyî çarçewa Hemleya Werin Cenga Azadiyê de çalakîyêke kerde. Çalakîye de hêrişê PDKyî yê vera gerîlayan ame şermezarkerdene. Ciwanan venga her kesî da ke vera îşxalî wurzo payan ser.