Komîsyonê Ciwanan ê Merkezê Cimatê Demokratîkî yê Kurdan ê Freîburgî tûrnûvaya futbolî organîze kerde û Freîburg û der û dorê ci ra 13 taximê futbolî tewrê tûrnûva bîyî.

Komîsyonê ciwanan destpêkê tûrnûva de qisey kerd û ard ziwan ke amancê înan ê tûrnûva, vîrardişê şehdîdanê tekoşînê azadîye yo. Hetê bînî ra vat, “Ma do her wareyê cuya xo de cehd bikerê ke hêcayê înan bibê. Na çalakîye reyde zî ma wazenê têkilîyanê xo yê cimatî û kulturî xurt bikerê. Na teyna musabeqaya sporî nîya, eynî wext de xurtkerdişê têkilîya mîyanê ciwananê ma yo. Ma hêvîdar ê ke ciwanê ma naye ra tepîya zî do çalakîyanê sey nînan de bêrê têhet.”

Dimayê qiseykerdişî tûrnûvaya futbolî dest pêkerd. Netîceyê tûrnûva de taximê Serhildanî bi yewin, Mîamî Kollnau bi dîyin û taximê Şengalî rê zî xelata centîlmenîye ameye dayene.