Parlamentoyê Ewropa de derheqê îşxalê vera Rojawanî de konferansêk ame viraştene. Beyannameyê peynî yê konferansê di rojan de ame vatene ke Tirkîya bi sucê şerî xeylêk pêkerdişî binpay kerdî coka ganî Erdogan bêro hukmkerdene. Reyna bale ameye antenê xoverdyaîşê biheq ê şarê Rojawanî ser û ame waştene ke wa îdareyo xoser bêro naskerdene.

Dewleta Tirke Pêkerdişê Mîyanneteweyî Binpay Kerdî

Beyannameyê peynî yê konferansî bale ameye antene serê binypakerdişê pêkerdişanê mîyanneteweyî yê ke Tirkîya kerdî. Tayî pêkerdişê mîyanneteweyî ameyî vîrardene û rixmê nê pêkerdişan sucê ke dewlet tirke kerdî nînan ser o ame vindetene. Ame vatene ke sucê ke dewleta tirke Rojawan de kena heme pêkerdişanê mîyanneteweyî binpay kenê û hêzanê mîyanneteweyî ra ame waştene ke vera naye bêveng memanê.

Ganî Erdogan Bêro Hukmkerdene

Beyannameyê peynî yê konferansî hêrişê îşxalî yê dewleta tirke yê vera Rojawanî sey sûcê şerî û sûcê vera merdimîye ameyî namekerdene û ame vatene ke sûcê qirkerdişî zî munaqeşekerdişî rê akerde yo. Beyanneme de ame vatene ke sûcê ke vera şarê kurdî û şaran û îttîqatanê bînan ê herême ameyî kerdene ganî warê mîyanneteweyî de miheqeq bêrê hukmkerdene. Parlamentoyê Ewropa tezgehê Yewîya Ewropa û heme hêzê mîyanneteweyî ganî derheqê na babete berpisîyarîyê xo bîyarê ca û tayî waştişî wina ameyê rêzkerdene:

Ganî serê de Erdogan sûcdarî bêrê hukmkerdene û îşxalkerê tirke pîya bi çeteyanê xo Rojawan ra peyser biancê. Şarê herême ke rîyê hêrîşê tirkan ra erdê xo ra bîyo peyser agêrê herra xo. Îdareyo Xoser ê  Vakur û Rojhelatê Sûrîye bêro naskerdene û qanûnê bingeyênî de bêro cakerdene. Herême firdayîşê teyarayan rê bêro qedexekerdene.