Şaristanê Solothurnî yê Swîsre de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de standê agahdarkerdişî ame akerdene.

Stand de derheqê felsefeya Rayberê Şarê Kurdî abdullah Ocalanî û tecrîdê Îmraliyî de agahîyî ameyî dayene û vilawekî ameyî vilakerdene.

Çalakîye de sîyasetmedar Serhat Agirîyî qisey kerd û pare kerd ke ganî kurdî pêro dinya rê qala Hemleya Azadîye bikerê û qetî azadîya Ocalanî bîyarê ca.

Hemsereka Merkezê Komelê Demokratîkî yê Kurdan Hulya Gokalp zî ard ziwan ke ê do heta ke Rayberê Şarê Kurdî azad bibo xebatan û çalakîyanê xo rê dewam bikerê.

Aktîvîst Serhat Toprakî bale ante tecrîdê Îmraliyî ser û pare kerd ke Rayberê Şarê Kurdî ra 3 serrî yo xeberêke nêna girewtene. Toprakî vat: ''Eke tecrîd biqedo bi fikranê Rayber Apoyî pêro krîzê merdimatîye do biqedê.''

Endamê Komîteya Abdullah Ocalanî rê Azadîye Yusuf Gunduzî dîyar kerd ke tecrîd resayo a aste ke hînî nêno qebulkerdene.