Partîya Çepe ya Swêdî zêdbîyayîşê tehdîtanê Serokkomarê Tirkî Erdoganî yê vera Rojawanî  ra dima babete kirişte  rojdemê parlamentoyî.

Parlamenterê Partîya Çepe û Vervatoxê Polîtîkaya Teberî Hakan Svennelîgî parlamento de pêşnîyazêk da û bale ante ke Tirkîya senî vera Kurdan tehluke ya. Svennelîgî paştgêrîya Tirkîya ya DAÎŞ’î vist vîrî û va: ‘‘DAÎŞ xeyrê ciwananê Kurdan bin kewt. La nika Rojawanê Kurdîstanî binê tehdîtanê îşxalî yê Tirkîya de yo. Nê planî tena bi zextêkê enternasyonelî yê girdî eşkenê bêrê vidarnayene. Coka ganî Swêd vera plananê îşxalî yê Tirkîya de vejîyo û cayê haştîye de ca bigêro.‘‘ Svennelîgî ard ziwan ke Rojakewtêna Mîyanêne de hewcadarîya  hîna zafe  ya şerî çîn a û Wezîrê Karanê Teberî yê Swêdî ra wina  persa: Şima semedê vernîgirewtişê hêrişê vera Rojawanî û Vakurê Sûrîye senî însîyatîf gênê?