Merkezê Çapemenî û Îrtîbatî yê HPG’yî verê çend rojan bi eşkerayîyêk da zaneyene ke gerîlayê înan o Elman Jakob Rîemer (Şiyar Gabar) 9’ê Temmuze 2018’ herêma Çarçella ya qezaya Geverê ya Colemêrgî de şerê vera artêşê Tirkî de şehîd kewt.

Seba ke Rîemer serra 1994’î de bajarê Hamburgî yê Elmanya de ameyo dinya, bajarê ey de aktîvîteyê vîrardişî do bêrê viraştene. 3’ê Gucige de seba Rîemerî rayîrraşîyayîşê vîrardişî do bêro kerdene. Rayîrraşîyayîş saete 12 de verê îstasyona trene ya Hamburg-Altonayî ra do dest pêbikero.

Çalakîya dîyine zî dima rayîrraşîyayîşî saet 14:00 de adresa "Heiligengeistfeld 1, 20359 Hamburg"î de, muzeya St. Paûlî do dest pêbikero. Ame parekerdene ke keye û hevalê Rîemerî tewrê her di çalakîyanê bîrardişan benê.