Merkezê Çapemenî û Îrtîbatî yê HPGyî derheqê gerîlayo Alman Jakob Rîemer (Şîyar Gabar) yo ke par Çarçella de şehîd kewt eşkerayîyêk daye.

Eşkerayîye de ca cîya nînan:  ‘‘Embazê ma Şîyar Gabar 9ê Temmuze ya 2018î de  pêkewiş û bombardûmananê operayonê artêşa Tirkî yê herêma Çarçella ya pabesteya qezaya Geverî ya Colemêrgî  de şehîd kewt.

Hemra Şîyaro ke 1994ê de Almanya de ameyo dinya, wextêk grûbanê cîya- cîyayan ê sosyalîtan de ca girewt û bado zî îdeolojîyê cuyeya azade yê Rayber Apoyî şinasna û serra 2013î de verê xo dayo koyanê Kurdistanî û tewrê sefanê HPGyî beno.

Hemra Şîyar ke  hetê îdeolojî û leşkerî ra wextêko kilm de xo resna û Kurdkî mûsa, hetê embazanê xora zaf ameyêne heskerdene.Hemra Şîyaro ke nimûneya xosere ya paştîdayîşê enternasyonalîstî yo, Mucadeleyê Azadîye yê Kurdistanî de do çirey nêro vîrakerdene. Şehîdê ma yê enternasyonalîstî yê  ke bi Hakî Karer û Kemal Pîran dest pêkerd û heta Andrea Wolfan dewam kerd û erwo resayî Jakop Rîemeran  do timûtim rayîrê ma roşt bikerê.

Ma keyeyê erjayeyî yê Rîemerî serweşîye wazenê û şexsê Şîyar Gabarî de  heme şehîdanê enternasyonalîstan yad kenî û sozê caardişê waştişanê şehîdan danê.‘‘

Nasnameyê gerîlayo ke şehîd kewto wina yo:

Nameyê Qodî: Şîyar Gabar

Name Peyname: Jakob Rîemer

Cayê Biyayîşî: Almanya

Maye-Pî: Katharîna - Lutz

Tarîx û Cayê Şehadetî: 9ê Temmuze ya 2018î / Çarçella