Gerîlayan Şahîn Reqa û Avareş Reqayî bi wesîleya rojbîyayîşê Rayber Apoyî hîsê xo ardî ziwan.

Şahîn Reqa: Ez sey gerîlayêke erebî ke fîkranê Rayber Apoyî teqîp kena 4ê Nîsane heme şaran rê pîroz kena ke azadîye wazenê. Gama ke ma fîkrê Rayber Apoyî nas kerdî ma têna azadîya xo nê azadîya pêro merdimîye waşte. Ma hemrayîya raşte fam kerde. Rojhelatê Mîyanênî de heqê cinîyan ameyêne binpaykerdene, hêzê cinîyan çîn bi. Ewro serkêşîya cinîyan ê kurdan de felsefeya “Jin Jiyan Azadî” her ca de vila bîya. Ez veng dana heme ciwananê ereban. Rayberîye nas bikerê, kitabanê ci biwanê, tewrê raştîya ci bibê û biresê heqîqetî.

Avareş Reqa: 4ê Nîsane sere de Rayber Apo, pêro hemrayan û şaran rê pîroz bo. Na roje semedê ma rojêka tarîxî ya. Eke merdim wazeno xo nas bikero û vera sîstemî bivejo gerek na roje ser vindero. Ma ewro tîya şaranê cîya cîyayan ra ameyî têhet, pîya ciwîyenê û têkoşîn kenê. Na netîceya keda bi serran a. Gerek pêro ciwanê kurd, ereb, suryanî û ermenî wayîrê keda Rayber Apoyî bivejê. Waştişê Rayberîye o bi ke cinîya azade înşa bikero. Ma zî na xete de rayra şinê. Rayberîye cinîyî sîstemî ra xelisnayî. Nê semedî ra 4ê Nîsane semedê ma zaf muhîm o. Ez veng dana heme ciwanan ke wa semedê azadîya Rayber Apoyî xo rêxistine bikerê.