Hukmatî reformê teqawutî de serra teqawutbîyayîşî sey 64 serrî mojnaye. Her çiqas no şert seba 'wextêk' tepîya ame girewtene zî sendîkayî vera nê şertî bi qerardarîye vindenê.

Peynîya na menge de hukmat do sendîkayan û temsîlkaranê karsazan reyde pêvînayîşan bikero. La grevê sektorê resnayîşî dewam keno. Grev roja 42. de yo. Xebatkarê şîrketa SNCFyî û şîrketa RATPyî yê ke resnayîşê Parisî û dormeyê ey kenê ewro tewrê grevî benê.

Zaf xetanê metroyî de grevî ra seferî bîyî tay, tay xetan de zî seferî tewr nênê kerdene.

Temamîya welatî de panc seferan ra yew seferê trenê bilezî (TGV) û seferê TERî yê herêmî dormeyê Parisî de zî çar seferan ra yew seferê trenanê herêmîyan ameyî batalkerdene.

Fransa de 5ê kanûne ra nata vera plananê reformê teqawutî rayberîya sendîkayan û yewîyanê wendekaran de tewirêko qerardar yeno mojnayene.