Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012î de ameye destpêkerdene hewteyê 461. de ya.

Çalakîya ke şaristanê Strasbourgî yê Fransa de warê dezgehanê Ewropa de yena kerdene û her hewte hetê gûrbêke ra yena rayraberdene no hewte hetê grûba şaristanê Frankfurtî yê Almanya ra ameye dewgirewtene.

Çalakîya nobeta ke her rojê mabêne saetanê 07.30 – 16.30î de yena kerdene de Necmettîn Aydin, Alî Kinay, Hakan Boyraz û Mecît Elçik ca genê.

Necmettîn Aydinî ke bi nameyê grûbe qisey kerd  Rayberê Şarê Kurdî Abdullah Ocalan sey îradeyê şarê kurdî name kerd û vat: ''Ma pê tewrbîyayîşê na çalakîye wayîrê îradeyê xo vejîyenê. Tecrîdê serê Rayberîye vera heme kurdan û hetanê demokrasîyî yo ke ganî bêro wedaritene.''

Aydinî bêvengîya Komîteya Vergirewtişê Îşkenceyî ya Konseya Ewropa (CPT) ya vera tecrîdî zî şermezar kerd û vat: ''Dewleta tirke eşkera verê çimanê dinya de vera kurdan sûcê merdimîye kena û dezgehê Ewropa zî bi bêvengîya xo benê hemparê nê sûcî. Ganî CPT wezîfeyê xo bîyaro ca. Kurdî do bi wayîrvejîyayîşê grevê vêşanîye yê tepişteyan ke vera tecrîdî yeno domnayene do tecrîdî bişiknê.''