Gruba Swîsre Nobeta Ocalanî rê Azadîye dewr girewte
Çalakîya Nobeta Ocalanî rê Azadîye ya ke 7 serrî yo verê Konseya Ewropa ya Strasboûrgî de dewam kena, no hewte hetê Kurdistanijanê Swîsre ra ameye dewrgirewtene.
Çalakîya nobete ya ke 25’ê Hezîrane 2012 de seba azadîya Rayberê Şarê Kurdî Abdullah Ocalanî ameyabî destpêkerdene hewteyo 350’in de dewam kena. Na nobete çalakîya tewr derg a Kurdanê Ewropaye ya. Çalakîya nobete wareyê Avenue de l’Europe de yena viraştene ke Konseya Ewropa û CPT zî na ca de yê.
Nobete her hewte hetê grubêk ra yena dewrgirewtene. No hewte zî Emîn Kurt, Zibêr Amed û Molla Şahîn ê ke Swîsre ra ameyî nobete dewr girewte.
Bi nameyê grube eşkerayîyêk ameye dayene û ame vatene ke na çalakîye 7 serrî yo dewam kena û heta ke Ocalan azad bibo do dewam bikera.Çalakwanan silam çalakwananê grevê vêşanîye rê şawitî û vat ke ê do bi xoverdayîş ser bikewê.
Çalakîya Nobeta Ocalanî rê Azadîye 25’ê Hezîrane 2012 de ameyebî destpêkerdene û heta nika 350 grubanê cîyayan û tewr kêmî 2 hezar kesî tewrê çalakîye bîyî. Çalakîye de heta nika bi seyan vilawekî ameyî vilakerdene.
