Hêrişo nîjadperest o ke şaristanê Hanau yê Almanya de ame kerdene û tede 9 kesî ameyî qetilkerdene Hamburg de hetê bi hezaran kesan ra ame şermezarkerdene.

Kurdîstanijî şorişgêranê Tirkîya û Almanya reyde merkezê îstasyonê trenî de kom bîyî ^y vera qirkerdişî rayîrî ra şîyî.

Nameyê KON-MEDî ser o Yavuz Fersogluyî qisey kerd û îfade kerd ke rêxistinê nîjadperestî û faşîstî ganî bêrê qedexekerdene.

Nameyê Komelê Yahûdîyan ê Hamburgî ser o zî Eîlke Steîlkel qisey kerd û ard ziwan ke heman barbarîye vizêr vera komelê yahûdîyan amebî kerdene û nika zî vera koçberan yena kerdene.

Înîsîyatîfê Ramazan Avci yê Hamburgî ra avûkat Unal Zerenî zî vist vîrî ke Avci çend mengî verê cû hetê nîjadperestan ra ame qetilkerdene û vat vera nîjadperestîye ganî rêxistinîya komelkî bêra kerdene.

Pawitoxê heqanê merdiman Anja Flach zî vat: ''Şarê kurdî ewladê xo yê ercayeyî Qirkerdişê Hanau de vîn kerdî. Ma do xo vîrî ra nêkerê û nêdê vîrkerdene.''

Rayraşîyayîş taxa Sternchanze de bi rayraşîyayîşêk qedîya.