Vera Komployê Mîyanneteweyî yê vera Rayberê Şarê Kurdî Abdullah Ocalanî û hêrişanê dewlata tirke yê vera Rojawanî Hamburg de rayraşîyayîşo derg ê hîra rojan ame destpêkerdene.

Kurdîstanijê ke verê Parlomentoya Hamburgî de ameyî têhet derheqê rayraşîyayîşî de vilawekî vila kerdî. Rayraşîyayîş semtê Gansemartî de bi mîtîngêk qedîya.

Komîteya Organîzekerdişî ra Îmam Comertî da zanayene ke rayraşîyayîşê sibayî do Altona de dest pê bikero û verê Zîndanê Damtorî de biqedîyo.Comertî vat do terefterê St Paulî zî  paştî bidê çalakîye.

Rayraşîyayîşo ke siba do Kuçeyê Grossebergî yê Altona de saete 12:00 de bêro destpêkerdene yeno pawitene ke Hamburg, Kiel û Bremen ra tewrbîyayîşî bibê.