Bajarê Hambûrgî yê Almanya de bi çalakîyêk tecrîdê serê Rayberê Şarê Kurdî Abdullah Ocalanî ame şermezarkerdene û xoverdayîşê  giverê vêşanîye ame silamkerdene.

Însîyatîfê “Vera tecrîdî de ma cuye bipawê” çalakîye organîze kerde. Mîtîng de pankartê bi nuşteyê “Tecrîdkerdişê Ocalanî bes o”, “Waştişê Leyla Guvene waştişê şarê Kurdî yo” amayî akerdene.

Çalakîye de serê rewşa xoverdayoxanê grevê vêşanîye vilawekî ameyî vilakerdene. Sazgehanê ATÎK-Hambûrg, ADHK, AGÎF-Hambûrg, NAV-DEM û yewbîyayeyê KKP'yî paştdayîş da çalakîye.

Sîyasetmedarê Kurdan Serhat Çetînkayayî wareyê çalakîye de qisey kerd û ard ziwan ke, tecrîdkerdişê Ocalanî vera îradeyê şarê Kurdan hêriş o.

Çetînkayayî vat, heta ke tecîd nêwedarîyayo ê do çalakîyanê  xo rê dewam bikerê û vengdayîş hetanê haştî û demokrasî kerd ke tewrê çalakîyan bibê.