Sere de temsîlkarê sazîyanê kurdan ê Almanya bi hezaran kesan verê xo da Hanau  û tewrê çalakîya şermezarkerdişê hêrişê ke 9 kesî ameyî qetilkerdene bîyî.

Hêrîşo ke roja çarşemeyî Hanau de hetê almanêkê faşîstî ra ame kerdene de Ferhat Unvar, Gokhan Gultekin, Hamza Kurtović, Said Nesar El Hashemi, Mercedes Kierpacz, Sedat Gurbuz, Kalojan Welkow, Vili Viorel Paun û keso ke nameyê ci nêame zanayene ameybî qetilkerdene.

Çalakîya ke rayberîya kurdan de ameye kerdene  û fotografê qurbananê qirkerdişî ameyî kiriştene û nameyê înan ameyî wendene, de sloganê vera faşîzm û nîjadperestîye bîyî berz. Badê rayraşîyayîşî mîtîngêk ame viraştene û polîtîkayê nîjadperestî ameyî şermezarkerdene.