9ê çeleyê 2019î de Omer Guneyî bi fermanê MÎTî Paris de  Sakîne Cansiz (Sara), Fîdan Dogan (Rojbîne) û Leyla Şaylamez (Ronahî) qetil kerdî. Guney dima bi hawayêkê şikdarî zîndan de merd.

Omer Guneyî wexto ke şibi Almanya kesê bi nameyê Ruhî Semenî reyde têkilîyêka nizdîye naye ro. Semen Guneyî reyde heman fabrîka de xebitîyayêne û endamê koman ê nîjadperestan ê tirkan bi. Balkêş o ke goreyê qeydan tena zîndan de Semenî Guney zîyaret kerdo. Guneyî zîndan de pê rayîrê Semenî mesajo bişîfre erşawit MÎTî. Rixmê hende çîyan zî Almanya  derheqê Semenî de tehqîqatêk nêkerd.

Goreyê cigêrayîşanê ANFyî Semen hema zî Almanya de dezgehê DITIBî de aktîf o ke DITIB sey şubeyê MÎTî şuxilîyeno. Fotografo ke ANFyî vist dest dîyeno ke Semen hetê îdarekarêkê DITIBî de yo.

Semen klubê sporî yê bi nameyê ''Turkspor Hausham'' de zî îdarekarîye keno. No klub klubê nîjadperestan ê tirkan o û Guney wexto ke şibi Fransa nê klubî de xebitîya. Goreyê texmînan nê mîyanî de Guney klub de hetê MÎTî ra ame perwerdekerdene.

DITIB (Yewîya Îslamî ya Tirkan a Dîyanetî) parçeyêko girîng ê îstîxbaratê Erdoganî yo. La hukmatê Almanya rixmo ke zaneno DITIB MÎTî rê xebitîyeno xebatanê ci peygoş keno.