Paytextê Îtalya Roma de mabênê tarîxanê 11-12ê nîsane de derheqê Hemleya Rayber Apoyî rê Azadîye de do konferans bêro kerdene.

Konferans hetê heme hetan ke paştî danê Hemleya ''Ocalanî rê azadîye meseleya kurdan rê çareserîya demokratîke'' ya ke 10ê teşrîna verên a 2023yî de ameye destpêkerdene, yeno organîzekerdene.

16 welatan ra do 300 delegeyî tewrê konferansî bibê. Reyna temsîlkarê têgêrayîşanê ke paştî danê hemle ê zî do tewrê konferansî bibê. Konferans de do netîceyê hemle bêrê destirewtene û vengdayîşo tarîxî yê Rayber Apoyî yê 27ê sibate bêro munaqeşekerdene. Reyna do derheqê ameyoxê hemle de zî bêro qiseykerdene. Îdareyê Rojawanî û delegesyonê DEM Partî zî do tewrê konferans bibo û derheqê averşîyayîşanê herême de zanayîş bidê.

Konferans do 11 nîsane de saete 15:00 de pê muzîkî û performensê fîkranê Rayber Apoyî bêro destpêkerdene. Dima ra do qiseykerdişî bêrê kerdene û şewa verêne do Merkezê Kulturî yê Araratî de aktîvîteyêke bêro kerdene. Panele roja verêne de do netîceyê hemle bêrê destgirewtene. Panelê roja diyîne de zî xebetê huqûqî ke semedê azadîya Rayber Apoyî muhîm ê do bêrê erjnayene. Beşê peyênî yê konferansî de do forumêk bêro kerdene û fîkrê delegeyan bêrê girewtene