Herford û Kobanê bîyî şaredarîyê hemkarî

Dimayo ke şaredarîya Frîedrîcshaîn-Kreûzberg a Berlînî ya Almanya û şaredarîya Dêrike ya Rojawanî bîyî hemkarê yewbînan, seba hemkarîya mabênê Herford û Kobanê zî gamî ameyî eştene.   

Bajarê Herfordî yê Almanya de demêk verî Însîyatîfê Hemkarîye ya Herford-Kobanê amebi awankerdene. Yewîya Sendîkaya Almanan (DGB) û Sendîkaya Zanist û Perwerdeyîye ya Almanan (GEW) zî tede xeylî sazîyê Kurd û Almanî organîzasyon de ca gênê.

 Herfordo ke 66 hezarî nufûsa ci esta û Eyaletê Vestfalya Ren ê Vakurî de ya, xeylî koçberî tede ciwîyenê. Seba awankerdişê pirê mabênê Herford û Kobanê gamî ameybî eştene. Projeyê hemkarîye çend rojî verî Meclîsê Şaredarîya Herfordî rê amî pêşkêşkerdene.

 Goreyê xebera Zubeyde Polate ya serwîsa Almankî ya ANF’yî, no proje ameyo raydayene û qebûlkerdene. Teberê partîya rastgêre AfD’yî de heme endaman seba projeyî raya ‘e’ daya.

 Yeno pawitene ke şaredarîya Herfordî seba bicaardişê îhtîyacîyanê Kobanê hetkarî bikero. Heman wextî de şaredarîya Herfordî wazena modelê şaredarîya zafkulturî û zafziwanî ya Kobanê ra îstîfade bikero. Yeno vatene ke tecrubeyê xoîdarekerdişî yo ke xo seperneno seypêyîya cinî û camêrdan bala îdarekaranê bajarê Herfordî anceno.