Hêrişê îşxalî ameyî protestokerdene

Xeylêk şaristanan de hêrişê îşxalî yê dewleta tirke yê vera Başûrê Kurdîstanî û hemkarîya PDKyî ya bi Tirkîya ameyî şermezarkerdene.

 Xeylêk welatanê Ewropa de hêrişê îşxalî yê dewleta tirke yê vera Başûrê Kurdîstanî û hemkarîya PDKyî ya bi Tirkîya ameyî şermezarkerdene.

Bruksel

Semedo ke hêzê PDKyî waranê gerîlayan de paştî danê îşxalê dewleta tirke verê Temsîlkarîya PDKyî ya Brukselî de na rewşe ameye protestokerdene. Çalakîye de sloganê sey 'Biciwîyo Kurdîstan', 'Bimiro îxanetê PDKyî' ameyî vatene. Çalakîkeran venga PDKyî da ke wa xeta îxanetî ra fek vera bido.

Berlin

 Paytextê Almanya Berlin de rayberîya Têgêrayîşê Ciwanan ê Şorişgêran (TCŞ) û TÊKO-JIN de hêrişê vera Mexmûrî pê nawnayîş û rayraşîyayîşêkî ame protestokerdene. Çalakîye de ame vatene ke dewleta tirke Başûrê Kurdîstanî de qirkerdiş kena, PDK zî paştî dano ci.

Ciwanan ard ziwan ke ganî kurdî wayîrê gerîlayan vejîyê û Kurdîstan bipawê. Marksîstanê Berlinî zî venga hukmatê Almanya da ke wa çekan nêroşo Tirkîya.

Limassol

Kurdan û dostanê înan hêrişê îşxalî yê dewleta tirke û hemkarîya PDKyî ya bi Tirkîya pê çalakîyêke şermezar kerdî. Çalakîye de fotografê Rayberê Şarê Kurdî, alayê PKK, YPG, YPJ û TJK-E ameyî akerdene. Çalakîye de sîyasetmedar Lezgîn Serhatî qisey kerd û venga pêro kurdan da ke wayîrê gerîlayan vejîyê.

Viyana

Kurdan û dostanê înan pê çalakîyêke hêrişê vera Başûrî û Mexmûrî şermezar kerdî. Çalakîkeran hemkarîya PDKyî ya bi Tirkîya protesto kerde û seba wayîrvejîyayîşê gerîlayan veng da.