Koln û Milano de hêrişê îşxalî yê dewleta tirke û tecrîdê vera Rayberê Şarê Kurdî Abdullah Ocalanî ameyî protestokerdene.

Şaristanê Kolnî yê Almanya de bi çalakîyêke cezaya dîsîplînî ya  ke dîyaya Rayberê Şarê Kurdî bi eşkerayîyêke ameye protestokerdene. Eşkerayîye de posterê Rayberê Şarê Kurdî Abdullah Ocalanî ameyî akerdene, sloganê sey ''Bijî Serok Apo'' ameyî vatene.

Şaristanê Milanoyî yê Îtalya de verê Sersefîrîye de serkêşîya Torra Paştdayîşê Bi Kurdan hêrişê îşxalî ameyî protestokerdene. Çalakîye de venga pêro kesan dîya ke wa vera îşxalî Kurdîstanî bipawê. Çalakîye de bêvengîya Ewropa ya vera hêrişanê dewlete tirke ameye şermezarkerdene.