Nobeta Azadîye ya ke seba Rayberê Şarê Kurdî Abdullah Ocalanî şaristanê Strasbourgî yê Fransa de verê bînaya Konseya Ewropa de yena kerdene hewteyê 398. de dewam kena. No hewte koma Lyonî na nobete girewte. Kome Baz Qewm, Hogir Çelîk, Hebûn Amed û Erhan Aktayî ra yena meydan.

Endamamê koma Lyonî pare kerd ke na çalakîye kewena hewteyê 400. û vat: ''400 saetî ney, 400 roj ê. Seba çalakîya winasêne sebir lazim o.''

Nobetdaranê nê hewteyî da zanayene ke hukmatê AKP û MHPyî meseleyanê şaran giranêr kenê û vat: ''No hukmat her kes xapîneno. Erdlerzê Xarpêtî de zî eşkera bi ke hetkarîyan asteng keno. No zî mojneno ke ê merdimîye ra çîyêk fam nêkenê.''

Çalakîkeran ard ziwan ke dewleta tirke û hukmatê ci zaf çîyanê xiraban anê şaran ser û çîyanê tewr xiraban zî şarê kurdî û Rayberîye rê kenê. Çalakîkeran bêvengîya CPTyî û Konseya Ewropa zî şermezar kerde.