HPGyî nasnameyê hîrê şehîdanê Xakurkê eşkera kerdî û vat: ''Ma soz danê ke heta ke armancê Rayberîya Azade û Kurdîstanê Azadî yê şehîdanê xo bîyarê ca xeta serkewtişî de serkêşîya şehîdan de têkoşînê xo rê dewam bikerê.''
Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:
''7ê teşrîna verêne ya 2024î de, herêma Xakurkê de hêrişanê dişmenî de embazê ma Berxwedan, Rojda û Çirav şehîd bîyî. Ma nê embazanê xo bi rêz û minetî yad kenê û soz danê ke xeyal û armancê şehîdanê xo bîyarê ca.
Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke heta ke armancê Rayberîya Azade û Kurdîstanê Azadî yê şehîdanê xo bîyarê ca xeta serkewtişî de serkêşîya şehîdan de têkoşînê xo rê dewam bikerê.
Nasnameyê şehîdanê ma wina yê:
|
|
Nameyê Qodî: Berxwedan Harun Name û Peyname: Murat Keleş Cayê Bîyayîşî: Wan Maye-Pî: Sakîne – Muhîttîn Tarîx û Cayê Şehadetî: 7ê Teşrîna Verêne ya 2024î / Xakurkê |
|
|
Nameyê Qodî: Rojda Azad Name û Peyname: Zehra Sebat Cayê Bîyayîşî: Amed Maye-Pî: Hacera – Musa Tarîx û Cayê Şehadetî: 7ê Teşrîna Verêne ya 2024î / Xakurkê |
|
|
Nameyê Qodî: Çirav Cûdî Name û Peyname: Serhat Erdogan Cayê Bîyayîşî: Îstanbul Maye-Pî: Nuriye – Mahmut Tarîx û Cayê Şehadetî: 7ê Teşrîna Verêne ya 2024î / Xakurkê |
Embazê ma Berxwedan Wan de dadîya xo ra beno. O ciwanîya xo de tewrê xebatan beno, Hemleya 'Êdî Bes e' de cagêno û 2010 de verê xo dano refanê gerîlayan. O 2012 de birîndar beno û tedawîya xo ra dima ancî tewrê têkoşînî beno. Embazê ma Berxwedan bi xurtî vera çeteyanê DAÎŞî zî xo ver dano. Têkoşînê vera DAÎŞî ra dima o derbazê herêma Xakurkê beno. Embazê ma Berxwedan refanê azadîye de nameyê xo bi herfanê zerdînan tarîxî ser o nuseno.
Embaza ma Rojda Amed de dadîya xo ra bena. Embaze Rojdaya ke xalê ci gerîla bibi, tim xeyalê gerîlabîyayîşî kena. A 2011 de Vakurî ra tewra gerîlayan bena. A Zagrosan de gerîlatîye pratîze kena û cade bena gerîlayêka YJA-Starî ya marîfetîne. A dima Xakurkê de bi xurtî tewra têkoşînî bena. Embaza ma Rojda pêro erk û mesuldarîyanê xo bêkêmasî ana ca. Ma zî soz danê ke xeyalanê aye bîyarê ca.
Embazê ma Çirav mîyanê keyeyêkê sêrtijî de Îstanbul de dadîya xo ra beno. O ciwanîya xo tewrê xebatan beno, unîversîte war verdeno û tewrê gerîlayan beno. Embazê ma Çirav Herêmanê Pawitişî yê Medya de tewrê perwerdeyî beno. Embazê ma Çirav Xakurkê de têkoşîn keno û kedêka pîle dano xoverdayîşî. Embaz Çirav bi kesayetê xo pêro embazanê xo rê zî beno mîsal.''
