Merasîmê yadkerdişî hetê dostanê Hrant Dînkî yê Hamburgî ra  verê Parlamentoyê Hamburgî de ame kerdene.

Avûkat Mehmut Erdemî pare kerd ke dewleta tirke vizêr hêrişê armenîyan kerd û nika zî hêrişê kurdan kena.

Encumenê qezaya Altona ya Partîya Çepe Hasan Burgucuogluyî ard ziwan ke zîhnîyeto ke Hrant Dînk qetil kerd nika îqtîdar de yo.

Serekê Komelê Elewîyan Cengîz Orhanî zî îfade kerd ke vera elewîyan, kurdan, roşnvîran tedayêka girane esta û nê zulm û zorbazîye bi yewîye yenê wedarene.

Wekîlê Partîya Keskan Yusuf Uzundagî zî vist vîrî keyeyê ey bi hawayêkê tesadufî Terteleyê Dêrsimî ra xelisîya û trajedîya armenîyan zî zerrî ra fam keno.

Merasîm de forografo pîl ê Dînkî ame akerdene û seba vîrameyîşê merdimanê ke ameyî qetilkerdene findî ameyî tavistene.

Çalakîye de hunermend Cemalettîn Zeyrekî û Ozan Dîrençî hunerê xo pêşkêş kerd.