Komîteya Paştdayîşê Heqanê Merdiman a Tirkîya ya ke 8 wekîlê ci parlamento de yê, Klubê PENî yê Swêdî, Sendîkaya Rojnamegeran a Swêdî û Federasyonê Swêdî û Armenîyan merasîmê yadkerdişî serûber kerd.

Nameyê Komîteya Paştdayîşê Heqanê Merdiman a Tirkîya Îsa Turanî pare kerd ke hêrişê vera Hrant Dînkî yeno manaya hêrişê vera erjanê bingeyînan ê çapemenîye, azadîya fikran û demokrasîyî. Turanî da zanayene ke qetilkerdişê Dînkî ra 13 serrî vîyartî la hema zî berpirsîyarê rastikênî yê cînayetî nêameyî hukmkerdene.

Serekê Komeleya Rojnamegeran Hemdem Can Guleryuzluyî zî vat: "Dînkî derheqê Terteleyê Dêrsimî de nuşteyêk nuşt, coka dewlete o kerd hedef."

Endama Îdareyê Klubê PENî yê Swêdî Elîsabete Lofgren vat: "Qetilkerdişê Dinkî ra dima 13 serrî vîyartî û rewşa Tirkîya zaf xirab a. Xîretê derbeyê 15ê temmuze ra dima Erdogan bi des hezaran kesî eştî zîndanan, 18 hezar huqûqnasî û akademîsyenî karî ra vetî."