Hukmatê Federalî yê Almanya parlamento de cewab da vernîyazê persan ê serê şerê Îsraîl-Hamasî û hêrişanê dewleta tirke yê vera Rojawanî ser.

Wekîla Partîya Çepe Clara Bungera ke vernîyaz daya vist vîrî ke dewleta tirke 4ê teşrîna verêne ra nata hêrişê Rojawanî kena û vat: ''Hêrişanê Tirkîya de sivîlî, cinîyî û domanî kişîyenê û binawanîyê herême yenê hedefkerdene. Birêz Bochmannî vat ke Îsraîlî qanûnê mîyanneteweyîyî binpay kerdê û ganî ceza bigêro. Şima derheqê hêrişanê Tirkîya de vanê se?''

Wezîrê Edaletî Marco Buchmannî nameyê hukmatê Almanya ser o derheqê hêrişanê dewleta tirke de cewab da vernîyazê persan û vat: ''Derheqê hêrişanê Tirkîya de agahîyê hîrayî destê ma de çin ê. La hedefkerdişê sivîlan yeno manya binpaykerdişê huqûqê mîyanneteweyîyî.''

Clara Bunger cewabê vernîyazî ra dima reyna qisey kerd û vat: ''Girîng o ke şima hêrişê Tirkîya sey binpaykerdişî ercnauî. O çax çira Mehkemeya Federale derheqê nê hêrişan de tehqîqat anêkena?''

Wezîr Buscmannî vat: ''Babeta tehqîqatêkê winayênî mesuldarîua Mehkemeya Federale ya. Na babete de ê wayîrê kamyew krîteran ê ez do bipersa û cewab bida şima.''