Sion û Stuttgart de de zî kampanyaya 'Ma Îmraliyî rê 100 hezar kartan bişawê' dîyaye destpêkerdene.

Şaristanê Sinonî yê Swîsre de Merkezê Kulturê Kurdan ê Valaisî de kampanya dîyaye destpêkerdene. Nameyê merkezî ser o Ruşen Tutkuyî qisey kerd û da zanayene ke Rayberê Şarê Kurdî Abdullah Ocalan binê şertanê giranan de Zîndanê Îmraliyî de yeno esîrkerdene. Tutkuyî vat: ''Sere de ciwanî ganî pêro kurdîstanijî bi xurtî paştî bidê na kampanya.''

Şaristanê Stuttgartî ya Amanya de serkêşîya FED-GELî de kampanya bi eşkerayîyêke dîyaye destpêkerdene. Merkezê Komelê Demokratîkî yê Kurdan de  eşkerayîye dîyaye. Hemsereka KON-MEDî Rûkene Akça tîya de qisey kerd û venga pêro kurdîstanijan û dostanê înan da ke vera tecrîdê Îmraliyî tewrê kampanya bibê. Akça pare kerd ke azadîya kurdan bi azadîya Rayberê Şarê Kurdî Abdullah Ocalanî mumkîn a.