Katalonya amadekarîye kena ke Îdareyê Xoserî yê Rojawanî bişinasna

Herêma Xosere ya Îspanya Katalonya amadekarîye kena ke Îdareyê Xoserî yê Rojawanî bişinasna. Partîyanê hukmatî û muxalefetî bi nê armancî vernîyazêk pêşkêşê parlamentoyî kerd.

Herêma Xosere ya Îspanya Katalonya amadekarîye kena ke Îdareyê Xoserî yê Rojawanî bişinasna. Partîyanê hukmatî û muxalefetî bi nê armancî vernîyazêk pêşkêşê parlamentoyî kerd.

Komanê Parlamentoyê Katalonya ra Escurra Republicana ra Ruben Wagensberg Ramon, Junt Per Catalunya, Francesc de Dalmases i Thio, ji En Comú, Susanna Segovia Sánchez,  CUP (Namzetîya Yewîya Şarî) ra Eulàlia Reguant vernîyazê bi sernameyê 'Vernîyaz bira Katalonya ya derheqê sozê newera awankerdişê Kurdîstanî de' pêşkêş kerd.

Vernîyaz de ame vatene ke modelê konfederalîzmê demokratîkî Rojawan de ser kewto û no model ekolojî, azadîya cinîyan paweno. Vernîyaz de ame parekerdene ke mabênê Katalonya û Îdareyê Xoserî yê Rojawanî de torrêka xurte esta.

Temsîlkarê kurdî yê Îspanya Eyyup Doruyî da zanayene ke menga hezîrane de heyetêkê Katalonya 22ê hezîrane de Îdareyo Xoser zîyaret kerd û Wekîlî Lulia Regovat û Robin Wagensberg, Endama Meclîsê Barcelona Laura Breeze zî mîyanê nê heyetî de bîyî. Doruyî eşkera kerd ke agêrayîşê heyetî ra dima vernîyaz ame pêşkêşkerdene.

Vernîyaz de nê birî estê:

-Katalonya estbîyayîşê Îdareyê Xoserî yê Rojawanî qebul keno û dezgehê Katalanan tede têkilîye do bikerê.

-Parlamentoyê Katalonya potansîyelê konfederalîzmê demokratîkî paweno.

-Parlamentoyê Katalonya veng dano ke şarê Rojawanî reyde torra paştdayîşî bêra ronayene.

-Parlamentoyê Katalonya veng dano ke semedo ke na torre bêra averberdene heyetêk bêro ronayene.

Pawîyeno ke vernîyaz qetî do bêro qebulkerdene. Bira qebulkerdişê statutê Rojawanî Îspanya û Ewropa de biba gama verêne. Doruyî ard ziwan ke vernîyaz do pêşkêşê parlamentoyanê herêman ê otonoman ê Bask û Valensiya bêro kerdene û dima tesîrê pêro herêmanê bînan bikero.

Doruyî vat: ''Hetê sîyasî ra no vernîyaz do tesîrê her cayî bikero.''