Şaristanê Lleida yê Katalonya de Komîteya 'Ponent amb Kurdistanî' derheqê hêrişanê îşxalî yê Tirkîya yê vera Başûrê Kurdîstanî de semînerêk serûber kerd.

Endama Jineolojî Centerî Nora Merino û rojnamegere Bêrîtane Zagros bi raya online tewrê semînerî bîyî.

Semîner de hêrişê îşxalî, xoverdayîşê gerîlayan, rewşa nikayêne ya Başûrî û nawnayîşê vera PDKyî ameyî ercnayene.

Bêrîtane Zagros ard ziwan ke nêrazîbîyayîşê vera PDKyî zêdîyeno û vat: ''Şar hîna zaf xo nêzdîyê PKKyî keno û PKKyî sey çareserîyêke vîneno. Ganî dewletê Ewropa hînî çekan meroşê Tirkîya.''

Zagrose da zanayene ke gerîlayî do ser bikewê û xeta PKKyî hêzo bingeyî yê Rojhelatê Mîyanênî yo.

Nora Merino zî rewşa Şingal û Rojawanî ser o qisey kerd û îfade kerd ke hêrişê çinkerdişî çarçewa konseptê îmha yê dewleta tirke de yenê kerdene.