Dîwanê Hemserekîye yê KCDK-E bi eşkerayîyêke kampanyaya Koma Xebate ya Kurdan a Başûrê Afrîka (KHRAG) û Konfederasyonê Sendîkayan ê Başûrê Afrîka (COSATU) rê selam kerd. Çarçewa kampanya de yeno waştene ke seba azadîya Rayberê Şarê Kurdî Abdullah Ocalanî ganî Yewîyê Neteweyîye têbigêrê. Coka Sekreterê Pêroyî yê Neteweyanê Yewbîyayeyan Antonio Guterresî rê seba ney mektubêk nusîya.

KCDK-E venga kurdan da ke seba azadîya Rayberê Şarê Kurdî Abdullah Ocalanî Sekreterê Pêroyî yê Neteweyanê Yewbîyayeyan Antonio Guterresî rê mektub û e-maîlan bierşawê.

KCDK-E ard ziwan ke ê zî tewrê kampanyaya KHRAG û COSATUyî benê û vist vîrî ke Sendîkayê Îngilîztanî Unite The Union û GMB zî tewrê heman Kampanyaya 'Wextê ci yo' bîyî.

KCDK-E bale ante kampanyaya nînan ser û îfade kerd ke hedefê nê dezgehan caardişê azadîya  Rayberê Şarê Kurdî Abdullah Ocalanî yo.

KCDK-E vat: ''Ma venga pêro dezgeh û rêxistinanê xo, kurdan û dostanê ma danê ke pê ruhê seferberîye tewrê na kampanya bibê û pê waştişê azadîya Rayber Apoyî Sekreterê Pêroyî yê Neteweyanê Yewbîyayeyan Antonio Guterresî rê mektub û emaîlan bierşawê. Ma seba erşawitişê bi se hezaran mektub û emaîlan seferber bibê.''

KCDK-E waşt ke mektubî wa nê adresî rê bierşawîyê:

Mr António Guterres

Secretary-General United Nations

UN Headquarters, S-3800

New York, NY 10017

USA