Konseya Kurdan a Demokratîke ya Fransa (CDK-F) û Têgêrayîşê Cinîyan ê Kurdan ê Fransa (TJK-F) seba azadîya Rayberê Şarê Kurdî Abdullah Ocalanî bi şîarê '' Seba Abdullah Ocalanî  azadîye, seba kurdan edalet'' Parisî ra heta Strasbourgî rayraşîyayîşê dergî yê 25 rojan organîze kerd.

KCDK-E ke veng da ke wa her kes semedê nê rayraşîyayîşî bibo seferber û vat: ''Rayraşîyayîş do 22ê çeleyî roja dişemeyî saete 13:00 de Rue La Fayette yê Paris de bêro destpêkerdene û 15ê sibate Strasbourg de biqedîyo. Sere de şarê kurdî ma veng danê heme hunermend, ekolojîst, pawitixê heqanê cinîyan û heme azadîwaştoxan ke wa bi aktîvîteyanê cîyayan û afirnayoxan tewrê rayraşîyayîşî bibê û heme guzergahê ke çalakwanî tira şinê wa bi coşî bêrê verwazîkerdene.''