Şaristanê Limassolî yê Kibrisî de serkêşîya partîya muxalefetî AKEL û PYDyî de serrgêra 10. ya Şorişê Rojawanî bi konser, şayî û kayê tîytaroyî ameye fîrazkerdene. Endamê PYDyî Yasîn Terbuş, endamê Meclîsê Şarê Kurdî, aktîvîstê AKELî û xeylêk kesî tewrê şayîya Amfîya Tîyatroyî bîye.

War pê fotografanê Rayberê Şarê Kurdî Abdullah Ocalanî, alayê PYD, YPG û YPJyî ame xemilnayene.  Koroyê Domanan ê Merkezê Kulturê Theofilosî û hunermendê merkezî şayîye de vejîyayî sehne ser û bi sloganan girseyî govende girewte.

Temsîlkarê PYDyî Yasîn Terbûşî şayîye de qisey kerd û vat: ''Dewleta tirke Rojawanî rê îşxal ferz kena. La ma do vera îşxalkeran xo ver bidê û şorişî gandar bikerê. Reyna Şorişê Rojawanî yê şaran fîraz bo.''

Qiseykerdişan ra dima hunermenda tîyatroyî Myrsiniye Şorişê Rojawanî ser o kayêk kaykerd û mîyanê kayî de serê şorişî deyîrî vatî. Peynîya kayî de sere de cinîyan ê kurdan girseyî bi deqayan seba hunermende çepik da piro.

Şayîye pê govendan qedîyaye.