Kitabxaneyo geroko ke tede kitabê Rayberê Şarê Kurdî Abullah Ocalanî estê şaristanê Marsilya yê Fransa de dest pê seferanê xo kerd. Kitabxane 3 rojan şaristanan ra bigêro.

Kitabxane serê sibayî verê Merkezê Komelî yê Demokratîkî yê Marsilya ra kewt rayîr û warê Vieux Portî de vindert. Tîya de derheqê Komployê 15ê Sibate de agahîyî dîyayî.

Kitabxane de broşur û kitabê Rayberê Şarê Kurdî ameyî vilakerdene. Kitabxane ver bi Draguignan kewt rayîr û dima zî do şoro Nice, Montpellier, Touluse û Bordeaux.